பளை மத்திய கல்லூரியின் பழைய மாணவனும், பளை பிரதேசத்தில் நீண்ட காலம் வசித்து வந்தவரும், இலங்கை நிர்வாக சேவையில் வவுனியா வடக்கில் நீண்டகாலம் பிரதேச செயலராக பணியாற்றியவருமான அமரர் கதிரமலைநாதன் பரந்தாமன் அவர்களது நினைந்துருகல் நிகழ்வு நேற்று பச்சிலை பள்ள பிரதேச செயலகத்தில் இடம்பெற்றுள்ளது. இந் நிகழ்வில் நிகழ்வின் ஏற்பாட்டளர்களால் நினைவுருவ படமும் உறவுகளிடம் வழங்கி வைக்கப்பட்டுள்ளது.
குறித்த நிகழ்வானது பச்சிலைப் பள்ளி கல்விவிருத்தி அறக்கட்டளை நிர்வாக குழுவினரால் ஏற்பாடு செய்யப்பட்டிருந்தது. இதில் பச்சிலைப்பள்ளி பிரதேச உதவி செயலாளர், அமரர் கதிரமலை நாதன் பரந்தாமன் அவர்களின் உறவினர்கள் மற்றும் அதிபர்கள், பொதுமக்கள் கதிரமலை நாதன் பரந்தாமனின் பள்ளி தோழர்கள் என பலரும் கலந்து கொண்டிருந்தனர்.
