2020ம் ஆண்டு நடைபெற்ற விசேட தேவையுடைய மாணவர்களுக்கான கல்வி பொது சாதாரண தர பரீட்சையில் 6 ஏசித்திகளையும் 2சி சித்திகளையும் 1எஸ் சித்தியினையும் பெற்று அகில இலங்கை ரீதியில் இரண்டாம் இடத்தினை பெற்றுக்கொண்ட மாணவனையும் மற்றும் பல்கலைக்கழகத்திற்கு தெரிவான விசேட தேவையுடைய மாணவர்களையும் பாராட்டி கௌரவிக்கும் நிகழ்வு இன்று மட்டக்களப்பில் நடைபெற்றது.
மட்டக்களப்பு வலயக்கல்வி அலுவலக முறைசாரா கல்வி உதவி கல்விப்பணிப்பாளர், எம்.தயானந்தன் ஒழுங்கமைப்பில் வலயக்கல்விப்பணிப்பாளர் சுஜாதா குலேந்திரகுமார் தலைமையில் வலயக்கல்வி அலுவலகத்தில் நடைபெற்ற மாணவர்களை கௌரவிக்கும் நிகழ்வில் வலயக்கல்வி அலுவலக உத்தியோகத்தர்கள் ஊழியர்கள் கலந்துகொண்டனர்.
