இன்றைய தினம் சுமார் 45,000 சமையல் எரிவாயு கொள்கலன்கள் சந்தைக்கு விநியோகம் செய்யப்படும் என லிட்ரோ நிறுவனம் அறிவித்துள்ளது. லிட்ரோ நிறுவனத்தின் தலைவர் விஜித ஹேரத் இந்த விடயத்தை தெரிவித்துள்ளார். நாளைய தினம் மேலும் 80,000 சமையல் எரிவாயு கொள்கலன்கள் சந்தைக்கு விநியோகம் செய்யப்படும் என அவர் குறிப்பிட்டுள்ளார்.
கடந்த 17ஆம் திகதி 2800 மெற்றிக் தொன் எடையுடைய எரிவாயு கப்பல் ஒன்று நாட்டை வந்தடைந்த போதிலும் சீரற்ற காலநிலையினால் அவற்றை இறக்கிக் கொள்ள முடியவில்லை என அவர் தெரிவித்துள்ளார்.
எதிர்வரும் நாட்களில் நாள்தோறும் தலா 80000 சிலிண்டர்களை சந்தைக்கு விநியோகம் செய்ய திட்டமிட்டுள்ளதாகவும் அவர் குறிப்பிட்டுள்ளார்.
