பாடசாலை ஒன்றில் இடிந்து விழுந்த மதில் சுவர் – மாணவர் பலி

வெல்லம்பிட்டி பிரதேசத்தில் உள்ள பாடசாலை ஒன்றில் மதில் சுவர் இடிந்து விழுந்ததில் மாணவர் ஒருவர் உயிரிழந்துள்ளதுடன் மேலும் 6 மாணவர்கள் காயமடைந்துள்ளனர்.

வெல்லம்பிட்டி, வேரகொடை கனிஷ்ட கல்லூரி மாணவர்கள் குழுவொன்றே விபத்தில் சிக்கியுள்ளதாக பொலிஸார் தெரிவித்தனர்.

அந்த பாடசாலையில் தரம் 01 இல் கல்வி கற்கும் மாணவர்களே இவ்வாறு விபத்திற்கு உள்ளாகினர்.

விபத்தில் காயமடைந்த 6 மாணவர்கள் கொழும்பு தேசிய வைத்தியசாலையிலும் ஒரு மாணவி ரிட்ஜ்வே லேடி சிறுவர் வைத்தியசாலையிலும் அனுமதிக்கப்பட்டுள்ளனர்.

தேசிய வைத்தியசாலையில் அனுமதிக்கப்பட்ட 06 மாணவர்களில் ஒரு மாணவர் உயிரிழந்துள்ளதுடன் மற்றுமொரு மாணவனின் நிலைமை கவலைக்கிடமாக உள்ளதாக வைத்தியசாலை தகவல்கள்  தெரிவிக்கின்றன.