அம்பாறை திருக்கோவில் பிரதேசத்தில் வலிந்து காணாமல் ஆக்கப்பட்டோர்களின் சங்க உறவுகள் இன்று திருக்கோவில் பிரதேசத்தில் கவனயீர்ப்பு ஆர்பாட்டத்தில் ஈடுபட்டனர்.
திருக்கோவில் பிரதேச தம்பிலுவில் பொதுச் சந்தைக் கட்டடத்திற்கு முன்பாக சங்கத்தின் தலைவி தம்பிராசா செல்வராணியின் தலைமையில் இன்று இடம்பெற்றது.
இதன்போது தமிழ் ஆங்கில மொழிகளில் சுலோக அட்டைகளை ஏந்தியவாறு தமது கோசங்களை எழுப்பியவாறு சுமார் 20க்கும் மேற்பட்டோர் பிரதான வீதியில் கவனயீர்ப்பு ஆர்ப்பாட்டத்தில் ஈடுபட்டனர்.
ஆர்ப்பாட்டத்தைத் தொடர்ந்து சங்கத்தின் தலைவி தம்பிராசா செல்வராணி இன்றைய கவனயீர்ப்பு தொடர்பாக ஊடகங்களுக்கு கருத்து வெளியிட்டார்.
