இந்தியாவில் இருந்து இலங்கைக்கு கடத்த முயன்ற சமயம் இலங்கை கடற்படையினரைக் கண்டு கடலில் வீசிய 34 மூடை கிருமி நாசினிகள் யாழ்ப்பாணம் தீவகத்தில் கரை ஒதுங்குகின்றன.
தமிழ் நாட்டில் இருந்து கடந்த 27 ஆம் திகதி மீன்பிடிக்க புறப்பட்ட ஓர் நாட்டுப் படகில் 34 மூடை விவசாய கிருமிநாசினிகள் ஏற்றி வந்துள்ளனர். இதன்போது இலங்கை கடற்படையினரை அவதானித்தபோது அனைத்து மூடைகளைகளையும் தூக்கி கடலில் வீசி விட்டு மீண்டும் தமிழகம் சென்றுள்ளனர்.
இவ்வாறு வீசப்பட்ட மூடைகள் தற்போது அனலைதீவு, நெடுந்தீவு கடற்கரைகளில் கரை ஒதுங்குகின்றன. அதில் இரு மூடைகள் நேற்றும் நேற்று முன்தினமும் கரை ஒதுங்கியுள்ளது.
