மட்டக்களப்பு எகெட் சூழல் பாதுகாப்பு குழு ஏற்பாட்டில் செடெக் நிறுவனத்துடன் இணைந்து மிசூரியர் நிதி அனுசரணையில் இலங்கையின் இயற்கை சூழலை பாதுகாப்பாதற்கான படிக்கல் எனும் தொனிப்பொருளில் பசுமையான உலகை உருவாக்க நாம் ஒன்றிணைவோம் செயல்திட்டத்தில் தொடர்ச்சியாக மட்டக்களப்பு மாவட்டத்தில் அடையாளப்படுத்தப்பட்ட இடங்கள் துப்பரவு செய்யும் பணிகள் முன்னெடுக்கப்பட்டு வருகின்றன.
அந்தவகையில் இன்றைய தினம் மட்டக்களப்பு வீச்சுக்கல்முனை பிரதான வீதிக்கு அண்மித்த வாவிக்கரை பகுதி மற்றும் வீச்சுக்கல்முனை அன்னம்மாள் ஆலய வளாக பகுதியிலும் மட்டக்களப்பு மாநகர சபையின் அனுசரணையுடன் துப்பரவு செய்யும் பணிகள் முன்னெடுக்கப்பட்டன.
மட்டக்களப்பு எகெட் சூழல் பாதுகாப்பு குழுவின் ஒழுங்கமைப்பில் எகெட் நிறுவன இயக்குனர் அருட்பணி ஏ .ஜேசுதாசன் தலைமையில் வாவிக்கரை பகுதியினையும் ,வீச்சுக்கல்முனை அன்னம்மாள் ஆலய வருடாந்த திருவிழாவினை முன்னிட்டு ஆலய பங்குத்தந்தை சி.வி .அன்னதாஸ் அடிகளார் தலைமையில் ஆலய பகுதி துப்பரவு செய்யப்பட்டது.
