ரஷ்யாவில் கொத்துக் கொத்தாக மீட்கப்படும் சடலங்கள்.

ரஷ்யாவின் கட்டுப்பாட்டில் இருந்து விடுவிக்கப்பட்ட உக்ரேனிய நகரமான Izyum இல் சுமார் 440 சடலங்கள் அடங்கிய வெகுஜன புதைகுழி கண்டுபிடிக்கப்பட்டுள்ளதாக உயர் பொலிஸ் அதிகாரி ஒருவர் தெரிவித்துள்ளார். கார்கிவ் பிராந்தியத்திற்கான தலைமை பொலிஸ் புலனாய்வாளர் Serhii Bolvinov இதனை குறிப்பிட்டுள்ளார்.

ரஷ்ய போர்க்குற்றங்களுக்கான ஆதாரங்களை சேகரிப்பதற்காக, சட்டத்தரணிகள் மற்றும் பிற புலனாய்வாளர்களுடன் பாரிய பொலிஸ் முயற்சியின் ஒரு பகுதியாக அனைத்து உடல்களும் தோண்டி எடுக்கப்பட்டு தடயவியல் பரிசோதனைக்கு எடுத்துச் செல்லப்படும் என்றார். உடல்கள் தனித்தனியாக தற்காலிக இடத்தில் புதைக்கப்பட்டதாக அவர் கூறினார்.

பல மாதங்களாக ரஷ்ய கட்டுப்பாட்டின் கீழ் இருந்த கார்கிவ் பிராந்தியத்தில் என்னென்ன குற்றங்கள் நடந்தன என்பதை விசாரிக்கத் தொடங்கியதில் இருந்து பல புதைகுழிகள் குறித்தும் காவல்துறை அதிகாரிகள் அறிந்துள்ளனர்.

சுமார் 440 உடல்கள் ஒரே இடத்தில் புதைக்கப்பட்டுள்ளதாக அவர் சுட்டிக்காட்டியுள்ளார். பாதிக்கப்பட்டவர்கள் எப்படி இறந்தார்கள் என்று கூற முடியுமா என்று கேட்டதற்கு, “சிலர் கொல்லப்பட்டனர் [சுட்டுக் கொல்லப்பட்டனர்], சிலர் பீரங்கித் தாக்குதல்களால் இறந்தனர், சிலர் வான்வழித் தாக்குதல்களால் இறந்தனர் என்று அவர் பதிலளித்தார்.

மேலும் எங்களிடம் தகவல் உள்ளது. இன்னும் பல உடல்கள் அடையாளம் காணப்படவில்லை. எனவே விசாரணையின் போது இறப்புக்கான காரணங்கள் கண்டறியப்படும் என அவர் மேலும் கூறியுள்ளார். திரு போல்வினோவ் தளத்தின் கண்டுபிடிப்பு தன்னை எவ்வாறு பாதித்தது என்பதை விவரித்தார்.