கிளிநொச்சி பொலிஸ் பிரிவுக்கு உட்பட்ட விவேகானந்தா நகர் பகுதியில் 14.10.2022 நேற்றைய தினம் கிளிநொச்சியில் இருந்து விவேகானந்தர் பகுதியை நோக்கிச் சென்ற மோட்டார் சைக்கிளும், விவேகானந்தர் பகுதியில் இருந்து கிளிநொச்சி நோக்கி பயணித்த கப்ரக வாகனமும் முந்திச்செல்ல முற்பட்ட வேளை மோதியதில் இருவர் படுகாயமடைந்துள்ளனர்.
அதில் ஒருவர் கிளிநொச்சி பொலிஸ் நிலையத்தில் கடமை புரியும் 32 வயதுடைய பொலிஸ் உத்தியோகத்தரும், மற்றும் 28 வயதுடைய விவேகானந்தர் நகர் பகுதியைச் சேர்ந்த ஒருவர் காயமடைந்துள்ளனர்.
காயமடைந்த ஒருவர் கிளிநொச்சி வைத்தியசாலையில் சிகிச்சை பெற்றுவருவதுடன் மற்றுமொருவர் மேலதிக சிகிச்சைக்காக யாழ் போதனா வைத்தியசாலைக்கு மாற்றப்பட்டுள்ளார்.
இச்சம்பவம் தொடர்பாக பொலிஸார் மேலதிக விசாரணைகளை மேற்கொண்டு வருகின்றனர்
