பல்வேறு திருட்டுக்களுடன் தொடர்புடைய சந்தேக நபர்கள் இருவரை தருமபுரம் பொலிசார் கைது செய்துள்ளனர்.
கிளிநொச்சி தர்மபுரம் போலிஸ் பிரிவுக்கு உட்பட்ட மற்றும் முல்லைத்தீவு புதுக்குடியிருப்பு போலிஸ் பிரிவுக்குட்பட்ட பகுதிகளில் பல்வேறு வகையான திருட்டுக்களுடன் தொடர்புடைய சந்தேக நபர்கள் இருவர் 10.12.2022 நேற்று கைது செய்யப்பட்டுள்ளனர்.
தர்மபுரம் போலிசாருக்கு கிடைக்கப் பெற்ற இரகசிய தகவலுக்கு அமைய குறித்த சந்தேகநபர்கள் கைது செய்யப்பட்டுள்ளதுடன், அவர்களிடமிருந்து திருடப்பட்ட பொருட்களும் மீட்கப்பட்டுள்ளது.
புதுக்குடியிருப்பு, உடையார்கட்டு, மற்றும் விசுவமடு புன்னைநீராவி, ஆகிய பகுதிகளிலிருந்து களவாடப்பட்ட பொருட்கள் போலிசாரால் மீட்கப்பட்டுள்ளது.
இதன்போது, தொலைக்காட்சி பெட்டிகள் 04, மடிக்கணணி 01, கைத்தொலைபேசி 01, நீர்ப்பம்பிகள் 03, என்பவற்றுடன் சந்தேக நபரிடமிருந்து 10 லிற்றர் கசிப்பும் போலிசாரால் பறிமுதல் செய்யப்பட்டுள்ளது.
சந்தேக நபர் இருவரிடமும் தொடர்ந்தும் விசாரணைகள் நடைபெற்று வரும் நிலையில், கிளிநொச்சி மாவட்ட நீதவான் நீதிமன்றில் முற்படுத்த நடவடிக்கை எடுக்கப்பட்டுள்ளதாக பொலிசார் தெரிவிக்கின்றனர்.
பறிமுதல் செய்யப்பட்ட குறித்த பொருட்கள் தருமபுரம் பொலிஸ் நிலையத்தில் வைக்கப்பட்டுள்ள நிலையில், பொருட்களை தொலைத்தவர்கள் தருமபுரம் பொலிஸ் நிலையத்தினை தொடர்புகொண்டு உரிய ஆதாரங்களை காண்பித்து விசாரணைக்கு ஒத்துழைக்குமாறு தருமபுரம் போலிஸ் நிலைய பொறுப்பதிகாரி டி எம்.சதுரங்க தெரிவித்துள்ளார்.
