ரத்மல்கொட மத்திய சந்திக்கு அருகில் தனது தந்தையின் கண்களுக்கு முன்பாகவே முச்சக்கரவண்டியில் மோதியதில் 7 வயது பாடசாலை மாணவன் படுகாயமடைந்து ஹொரணை ஆதார வைத்தியசாலையில் அனுமதிக்கப்பட்டுள்ளதாக இங்கிரிய பொலிஸார் தெரிவிக்கின்றனர்.
மாபுட்டுகல தேசிய பாடசாலையின் இரண்டாம் வருட மாணவி ஒருவரே காயமடைந்துள்ளார்.
குறித்த மாணவன் பாடசாலையில் இருந்து பாடசாலை வேனில் வந்து மேலும் ஐந்து மாணவர்களுடன் ரத்மல்கொட மத்திய வாயில் சந்திக்கு அருகில் பாடசாலை வேனின் உதவியாளரின் பாதுகாப்பில் இறங்கியதாக பொலிஸார் தெரிவிக்கின்றனர்.
அப்போது, குறித்த மாணவன் தனது தந்தையை வீதியின் மறுபுறத்தில் பார்த்ததாகவும், உடனடியாக வீதியின் குறுக்கே ஓடியதாகவும் பொலிஸார் தெரிவித்தனர்.
அங்கு பாடசாலை வேனின் பின்னால் வந்த முச்சக்கர வண்டியொன்று சிறுவன் மீது மோதியுள்ளது.
இந்நிலையில், சிறுவன் ஹொரணை ஆதார வைத்தியசாலையில் சிகிச்சைக்காக அனுமதிக்கப்பட்டுள்ளதாகவும், அவரது நிலைமை கவலைக்கிடமாக இல்லை எனவும் தெரிவிக்கப்படுகிறது.
