யாழ்ப்பாணம் சிறைச்சாலையில் கைதி ஒருவருக்கு தொலைபேசி வழங்கிய சம்பவத்தில் சிறைச்சாலை உத்தியோகத்தர் ஒருவர் கைது செய்யப்பட்டுள்ளார்.
2023.08.13 ம் திகதி அன்று உத்தியோகத்தர் காவல்கோபுர கடமையில் இருக்கும் போது கைதியான கமல் பிரியதர்ஷன என்பவரிடம்கைத் தொலைபேசியினை வழங்கியுள்ளார் .
குறித்த சம்பவத்துடன் தொடர்புடைய கைதி களுத்துறை சிறைச்சாலையில் நன்னடத்தை இல்லாத காரணத்தினால் நன்னடத்தைக்காக யாழ்ப்பாணம் சிறைச்சாலைக்கு மாற்றப்பட்டவர். 1g 04mg ஹெரோயின் வழக்கில் 14வருட தண்டனை கைதியாவர்.
சிசிடிவி கண்காணிப்பு கேமராக்கள் மூலம் கண்காணிக்கப்பட்டு சிறைச்சாலை அத்தியட்சகர் கே. வி. எ உதயகுமார அவர்களின் வழிகாட்டலில் 2023.08.15 சிறைச்சாலையில் நடைபெற்ற சோதனையில் தொலைபேசி ஒன்று கைப்பற்றப்பட்டது.
பின்பு நடைபெற்ற விசாரணையின் போது டி. கே எதிரிசிங்க என்ற சிறைச்சாலை உத்தியோகத்தர் தான் தொலைபேசி கொடுத்தார் என கண்டுபிடிக்கப்பட்டுசிறைச்சாலை உத்தியோகத்தர்களான P.N விமலரத்தன, D. N ஜெயவர்த்தன, S. I குணசேகர, T. சதுஷன் ஆகியஉத்தியோகத்தர்களால் யாழ்ப்பாண பொலிஸ் நிலையத்தில் ஒப்படைக்கப்பட்டார். குறித்த சிறைச்சாலை உத்தியோகத்தர் இன்றைய தினம் யாழ்ப்பாண நீதிமன்றத்தில் முன்னிலைப்படுத்த ப்படவுள்ளார்,
