முல்லைத்தீவு மாவட்டத்தின் மாங்குளம் பொலிஸ் பிரிவிற்குட்பட்ட செல்புரம் பகுதியில் ஏ9 வீதியில் இடம்பெற்ற விபத்தில் ஒருவர் உயிரிழந்துள்ளதுடன், மற்றுமொருவர் படுகாயமடைந்துள்ளார்.
நேற்றிரவு 10 மணியளவில் குறித்த விபத்து இடம்பெற்றுள்ளது.
விபத்தில் அதே பகுதியைச் சேர்ந்த 47 வயதான கதிரவேலு இலட்சுமனன் என்ற 3 பிள்ளைகளின் தந்தையே விபத்தில் உயிரிழந்துள்ளதுடன், அவரது மகன் படுகாயமடைந்த நிலையில் கிளிநொச்சி வைத்தியசாலையில் அனுமதிக்கப்பட்டுள்ளார்.
கிளிநொச்சியிலிருந்து வீடு நோக்கி பயணித்த மோட்டார் சைக்கிள் மீது அதே திசையில் பயணித்த பாரவூர்தி மோதி விபத்து நேர்ந்துள்ளது.
பார ஊர்தியின் சாரதி தப்பி சென்றுள்ள நிலையில் அவரை கைது செய்ய பொலிசார் நடவடிக்கை எடுத்துள்ளனர்.
விபத்து இடம்பெற்ற பகுதியில் பொலிசாருக்கும், பொதுமக்களிற்குமிடையில் வாக்குவாதம் ஏற்பட்டதையடுத்து சம்பவ இடத்திற்கு சென்ற மாங்குளம் தலைமைப் பொலிஸ் அதிகாரி உள்ளிட்ட அதிகாரிகள் விசாரணைகளை முன்னெடுத்துள்ளனர்.
