யாழ். வடமராட்சி பகுதியில் இந்திய கடற்றொழிலாளர்களின் அத்துமீறிய இழுவைபடகுகளினால் பெறுமதியான வலைகள் அறுத்து அழிக்கப்பட்டுள்ளது.
பருத்தித்துறை கடற்கரையை அண்மித்த பகுதியில் இந்திய இழுவைப் படகுகள் சட்டவிரோதமாக உள்நுழைந்து கடற்றொழில் நடவடிக்கையில் ஈடுபட்ட நிலையிலேயே சம்பவம் இடம்பெற்றுள்ளது.
இதன்போது பருத்தித்துறை, இன்பருட்டி, சுப்பர்மடம், சக்கோட்டை கடற்றொழிலாளர்களின் 70 இலட்சம் பெறுமதியான வலைகள் அறுத்து அழிக்கப்பட்டுள்ளது.
நூற்றுக்கும் மேற்பட்ட இந்திய இழுவைப்படகுகள் இலங்கை எல்லை தாண்டி வடமராட்சி கடற்பரப்பில் கடற்றொழிலில் ஈடுபட்டிருந்ததாக கடற்றொழிலாளர்கள் தெரிவிக்கின்றனர்.
