கோமரங்கடவல பொலிஸ் பிரிவுக்குட்பட்ட கஜுவத்த பிரதேசத்திலிருந்து மோட்டார் சைக்கிளில் பயணித்த இளைஞரொருவர் படுகாயமடைந்த நிலையில் திருகோணமலை பொது வைத்தியசாலையில் அனுமதிக்கப்பட்டுள்ளார்.
இவ்விபத்து நேற்றிரவு (23) 7.30 மணியளவில் இடம்பெற்றுள்ளது.
இவ்விபத்தில் மயிலவெவ- புபுதுபுர பகுதியைச் சேர்ந்த சிவில் பாதுகாப்பு படை வீரரான எஸ்.சமரநாயக்க (28வயது) படுகாயமடைந்துள்ளார்.
குறித்த இளைஞர் வயலுக்குச் சென்று வீடு திரும்பிக் கொண்டிருக்கும்போது பிரதான வீதியின் ஊடாக யானை குறுக்கே வந்ததால் மோட்டார் சைக்கிள் யானையுடன் மோதியதாகவும் தெரியவந்துள்ளது.
விபத்தில் காயமடைந்த இளைஞர் தற்பொழுது திருகோணமலை பொது வைத்தியசாலை அதிதீவிர சிகிச்சைப் பிரிவில் சிகிச்சை பெற்று வருவதும் குறிப்பிடத்தக்கது.
